Сургалтын технологийн шинэчлэл ба багш, оюутны эрдэм шинжилгээний ажлын зохион байгуулалт

Тус сургуулийн дэргэдэх ЭШТ дээр явагддаг судалгаа шинжилгээний ажлын үндсэн зарчмууд:

1. Сургууль дээр явагддаг судалгааны ажил нь сургалтанд баримтлагддаг SPICES болон PBL зарчмуудын гол суурь хүчин зүйл  болсон  “асуудал-problem”  буюу  гадаад орнуудын Уламжлалт анагаах ухааны сургуулиуд дээр өргөнөөр баримтлан суурь үзүүлэлт болгодог “finding of common language and building of bridge between Oriental and Modern Medicine, finding of molecular correlates  theory of Oriental Medicine, as theory -vata, kapha, pitta” гэсэн томъёоллуудын шинжлэх ухааны онол арга зүйн үндсийг гаргахад чиглэгдэх ёстой гэсэн зарчим
2. Сургууль дээр явагддаг судалгааны ажил нь багш, оюутнуудыг чадваржуулдаг гол хүчин зүйл болж хувирсан байх ёстой гэсэн зарчим
3. Сургууль дээр явагддаг судалгааны ажил нь манай сургуулийг дэлхийн болон өөрийн орны ижил төстэй сургалтын үйл ажиллагаа бүхий сургуулиудтай жиших, эрэмбэлэх гол хүчин зүйл болох ёстой гэсэн зарчим
4. Сургууль дээр явагддаг судалгааны ажил нь манай сургуулийн эдийн засаг санхүүгийн чадамжийн 30%иас доошгүй хувийг бүрдүүлдэг байх ёстой гэсэн зарчим
5. Сургууль дээр явагддаг судалгааны ажил нь манай сургуулийн сургалтын технологид гарч болох зарим хоцрогдлыг арилгахад чиглэгдэх ёстой гэсэн зарчмууд юм.

Манай сургууль өөрийн дэргэдэх байнгын ажиллагаатай, орон тооны 3 эрдэм  шинжилгээний ажилтан бүхий Эрдэм Шинжилгээний Төв дээр туршлагын амьтдад чихрийн шижин, элэг, бөөрний, зүрх, тархины цусан хангамжийн  эсийн гэмтэл эмгэг  загвар үүсгэх, өвчтөн хүмүүс дээр 1, 2, 3, 4-р компартментийн тоон харьцаа тодорхойлох, зарим эмийн бодисын элэг хамгаалах, бөөр хамгаалах, ийлдсэн дэх глюкоза, холестерол, БНЛП-ийн үйлдлийг тогтоох зэрэг судалгааны 50 гаруй арга зүйг судалгаанд нэвтрүүлэн байнга ашигладаг, туршлагын амьтдад чихрийн шижин өвчин чихрийн шижин, элэг, бөөрний эсийн гэмтэл эмгэг загвар үүсгэх арга зүйд бүрэн нийцсэн 200-аад амьтан бүхий виваритай, судалгааны ажлын арга зүй түвшинг дээшлүүлэх үүднээс эрдэм шинжилгээний ажилд хуваарилагдах зардлыг “Монос” Дээд Сургуулийн Уламжлалт анагаах ухааны сургууль  өөрийн судалгааны хөрөнгө хуваарилалтаас гарган ажиллаж байна.

Бид элэг хамгаалах, цөс хөөх болон иммуномодулятор үйлдэлтэй Барбадин шахмал эм, зүрхний булчингийн цусан хангамжийг сайжруулах, хүчилтөрөгчийн хангамж, парциаль даралт буурсан үед миокардиоцит эсийн тэсвэрт чанарыг нэмэгдүүлэх үйлдэлтэй Астрадин эм, бөөр хамгаалах үйлдэлтэй Нефромон, ийлдсэнд глюкоза, холестерол, триглицерид, бага нягттай липопротеид, азотийн хорт нэгддлүүд болох креатинин, мочевинийг бууруулах үйлдэлтэй Хоффитас, иммуномодулятор үйлдлийн механизмаар бөөрний эдийн гэмтлийг бууруулах үйлдлийг нь нэмж тогтоосон Шинар-8 уламжлалт нийлмэл  жорыг гарган авч, эмчилгээнд нэвтрүүлэх судалгаа явуулж байна.  

"Шинэ Анагаах Ухаан" дээд сургууль дээр хийгдсэн судалгаа, сургалт, эрдэм шинжилгэээний холбогдолтой гол гол шинэлэг зүйлүүд:

1. УАУ-ы асар их мэдлэг, мэдээллийг х, g гэсэн хүрсэн  түвшингээс нь  “s-NCM” гэсэн танин мэдэхүйн цоо шинэ орон зай руу, ОҮАУ-ы асар их мэдлэг, мэдээллийг S- гэсэн эрэмбэлэгдээгүй  түвшингээс нь  “s-NCM” гэсэн танин мэдэхүйн цоо шинэ орон зай руу  гүнзгийрүүлэн тайлал хийх  явцдаа “s-NCM” гэсэн танин мэдэхүйн цоо шинэ орон зайг амьд эсийн түвшинд анх удаа  илрүүлсэн.
2. Энэ хүрээндээ амьд эсийн дотор Н, е урсгал явуулдаг, АТФ, НАДФН, дулаан нийлэгжүүлдэг, ийм замаар аль ч эсийн оршин тогтнохуйн  үндсийг хангадаг олон арван өртөөт урвалууд бүхий бүтэц үйл ажиллагааны биеэ даасан нэгж байгааг илрүүлэн, тэдгээрийг “мембран-редокси потенциалын 3 төлөвт шугам” гэсэн нэр томьёоллоор  анх удаа эрэмбэлэн, тодруулж гаргасан.
3. Амьд эсийн дотор мөн мэдээлэл хариу урвал, ген удамшихуй, нийлэгжилт-бионийлэгжилт, биоэнерги, биохувирлын гэсэн 5 гол үйл ажиллагаа, биологийн ажил явуулдаг митохондрийн, бөөмийн, рибосом-микросомийн, плазмийн, лизосом-переоксисомийн гэсэн 5 гол мембрант бүтэц байгааг анх удаа эрэмбэлэн тодруулж гаргасан.
4.  Амьд эсийн доторхи “мембран-редокси потенциалын 3 төлөвт шугам” болон 5 гол үйл ажиллагаа, биологийн ажил  явуулдаг митохондрийн, бөөмийн, рибосом-микросомийн, плазмийн, лизосом-переоксисомийн гэсэн 5 гол мембрант бүтцүүд нь хоорондоо АТФ, НАДФН, дулаанаар дамжин холбогддог болохыг анх удаа эрэмбэлэн тодруулж, үүнийгээ эсийн шинэ баяжуулсан тодорхойлолт, эсийн шинэ загварчлалын онолоор илэрхийлж гаргасан.
5. Мөн “амьд эсийн мембран-редокси потенциалын 3 төлөвт шугам” буюу бүтэц үйл ажиллагааны биеэ даасан нэгдүгээр компартмент хийгээд 5 гол үйл ажиллагаа, биологийн ажил  явуулдаг 5 гол мембрант бүтцүүд буюу бүтэц үйл ажиллагааны биеэ даасан хоёрдахь компартменттэй үйл ажиллагааны нарийн холбоо бүхий ийлдэс, шингэний орчин буюу бүтэц үйл ажиллагааны биеэ даасан гуравдахь  компартмент, биеийн хөндлөн тэнхлэг хэсэг дээр зарим донаторуудыг нөөцөлдөг бүтэц үйл ажиллагааны биеэ даасан дөрөвдэх компартмент байгааг илрүүлэн, тэдгээрийг хүний биеийн 4 гол компартмент хэсэг гэсэн нэр томьёоллын дор анх удаа эрэмбэлэн тодруулж гаргасан.
6. Эдгээр 4 гол компартмент болон хүний биеийн бүтэц, үйл ажиллагааны гол гол нэгжүүдийг холбож, хүний биеийн бүтэц-үйл ажиллагааны шинэ загварчлалыг гарган, “хүний бие=10 гол тогтолцоот хэсэг+4 гол компартмент хэсэг” гэсэн томьёоллыг бий болгосон  эрэмбэлэлтийг анх удаа хийсэн.
7. “Хүний бие=10 гол тогтолцоот хэсэг+4 гол компартмент хэсэг”-ийн мембран-редокси потенциалын 3 төлөвт шугам хамааралт байдал нь УАУ-ы хий, шар, бадганы онолд тусгагдан кодчилогддог болохыг анх удаа илрүүлэн, “ХШБ-мембраны 3 төлөв-редокси потенциалын 3 төлөв” гэсэн кодын шүтэлцээг  анх удаа гарган, энэ хүрээнд УАУ ба ОҮАУ-ы бүх онол, үзэл баримтлалыг холбож эрэмбэлсэн.
8. Ийм зарчмаар УАУ ба ОҮАУ-ы тус тусад нь байгаа өнөөдрийн суурь мэдлэг, мэдээллийг “s-NCM” гэсэн танин мэдэхүйн цоо шинэ орон зай дээр дахин нэг шинэ шат ахиулан тайлал хийж, тэдгээрийг s-NCM гэсэн танин мэдэхүйн муфтэн дээр холбон, NCM гэсэн нэршил бүхий, “х, g, S, s-NCM” гэсэн өөр хорондоо салшгүй холбоотой, 4 гишүүнт тэгшитгэлээр онол, оношлогоо, эмчилгээ, урьдчилан сэргийлэлтийн бүх асуудлаа шийддэг, эмч мэргэжилтнүүд нь “эмнэл зүйн олон хүчин зүйлт тэгшитгэл - нэг эмч - 4 анагаах ухааны тэгш мэдлэг - нэг бодолт - нэг нэгдмэл зөв хариу” гэсэн хүрээнд үйл ажиллагаагаа явуулж байх чадамжийг бүрэн дүүрэн эзэмшсэн анагаах ухааны гуравдахь биеэ даасан тогтолцоог бий болгосон нь сурах ба сургах үйл ажиллагааны гол зүйл юм.

"Шинэ Анагаах Ухаан" дээд сургуулийн дэргэдэх Эрдэм шинжилгээний төвийн 2011 оны ажлын төлөвлөгөө